APLning yanvar oyidagi eng yaxshi futbolchisi aniqlandi

Angliya premer-ligasining yanvar oyidagi eng yaxshi futbolchisi nomi ma'lum bo'ldi.

Unga ko'ra, «Tottenhem» yarimhimoyachisi Dele Alli oyning tengsiz futbolchisi deb topilgan.

Dele Alli yanvar oyida 5 uchrashuvda maydonga tushib, 5 gol urdi va bir golga hammualliflik qildi. Uning gollari «Uotford» (2ta), «Chelsi» (2ta) va «Manchester Siti» darvozalariga urilgan, u shuningdek, «Vest Bromvich» darvozasiga urilgan golga pas bergan.

Oyning eng yaxshi futbolchisi bo'lish uchun yana 7 nafar futbolchi, Aleksis Sanches («Arsenal») Adam Lallana («Liverpul»), Diego Kosta hamda Harri Keyhill («Chelsi»), Zlatan Ibrahimovich hamda Pol Pogba («Manchester Yunayted») va Kristian Eriksen («Tottenhem») da'vogar bo'lgandi.

Teglar: aplning, yanvar, oyidagi, yaxshi, futbolchisi, aniqlandi,
← OldingaOrqaga →