Yurgen Klopp «Liverpul» nima uchun joyida to'xtab qolganini izohladi
/ Kiritdi: BestMaster O'qilgan: 1112
«Liverpul» bosh murabbiyi Yurgen Klopp «Tottenhem»ga qarshi tur o'yini avvalida o'z jamoasining APLda qatorasiga besh uchrashuvdan iborat g'alabasiz seriya qayd etgani borasida fikrini bildirib o'tdi.
«Men hammasini hal qiladigan birinchi darajali shaxs emasman. Bu quruq gap. Sizga kim aytdi? Bunday fikrni kallangizdan chiqarib tashlang, iltimos. Men bu haqda boshqa gapirishni istamayman. Kimda bunday ma'lumot bo'lsa, bu xato ma'lumot.
Bizning kuchli oltilikdagi jamoalarga qarshi o'yinlarimiz yanada yaxshiroq bo'lishi kerak. Agar «Manchester Yunayted»ning ofsayddan urilgan goli bo'lmaganida edi...Biz yaxshirog'iga munosib ekanimizni bilamiz, ammo biz buni maydonda isbotlashimiz kerak.
Biz o'zimizni oqlamoqchi emasmiz, biz muammoni hal qilish chorasini izlaymiz. Agar sen formada bo'lmasang, demak sen keyingi o'yinda g'alaba qila olmaysan.
Bizning muammolarimiz jismoniy tayyorgarlik bilan bog'liq emas. «Hall» bilan o'yinning ikkinchi bo'limini yaxshi o'tkazgandik. Ammo men o'sha o'yinda g'alabaga erishganimizda ham birinchi bo'limdagi harakatlar uchun g'azablangancha qolardim. Mening vazifam mas'uliyat talab qiladi, ammo bu mening jahlim chiqmaydi degani emas.
Futbol - doim sinovdir. Agar sen yuqori o'rinda bo'lsang, uni saqlab qolishga harakat qilasan, agar aksi bo'lsa, muammolarni echishing kerak. Biz bahona emas, muammolarni echish yo'llarini qidiramiz.
Qaysidir pallada biz tezlikni yo'qotdik. Bir futbolchi jarohat oladi, yana biri formasini yo'qotadi, uchinchisi esa kasal bo'ladi... Men oldinga yurishimizni istayman», – deya Kloppning so'zlarini keltirgan Liverpool Echo.
Bosh sahifaga
251