Gadji Gadjiev O'zbekiston terma jamoasida yaxshi kombinatsion o'yin shakllanganini ta'qidladi

O'zbekiston terma jamoasining Turkiyadagi yig'inda raqibi – Rossiyaning «Amkar» klubi bosh murabbiyi Gadji Gadjiev o'yin borasida o'z fikrini bildirib o'tdi.

«O'zbekiston terma jamoasi bugun haqli ravishda g'alaba qozondi. Natija haqqoniy. O'yinda raqib bizga qaraganda ko'proq imkoniyatga ega bo'ldi va qarshi hujumlarda ham yaxshiroq o'yin ko'rsatdi. O'zbekiston termasining o'yini yaxshi yo'lga qo'yilgan va kombinatsion o'yin yaxshi shakllangani ko'rinib turibdi.

Biz bugun raqibdan jismoniy tomondan ustunroq o'ynadik. Bizning jamoa ko'proq atletik futbol namoyish etadi, raqib esa texnik tomondan yaxshi shakllangan, kuchli futbol namoyish etadigan jamoa ekanini ko'rdim», – dedi Gadjiev.

Teglar: gadji, gadjiev, ozbekiston, terma, jamoasida, yaxshi, kombinatsion, oyin, shakllanganini, taqidladi,
← OldingaOrqaga →