Klopp: «Liverpul» hujumda o'ynab gol o'tkazmaydi deb o'ylamagandim
/ Kiritdi: BestMaster O'qilgan: 943
«Liverpul» bosh murabbiyi Yurgen Klopp APLning 25-turida «Tottenhem» ustidan qozonilgan g'alabadan keyingi fikrlarini aytib o'tdi. «Enfild» stadionida kechgan uchrashuvda mezbonlar Sadio Manening ikki goli evaziga g'alaba qozondi.
«Biz „Tottenhem“ga qarshi aynan shunday o'ynashimiz kerak edi. Oxirgi o'yinlardagi muvaffaqiyatsizliklarga shunday javob qaytardik, barchasi ajoyib bo'ldi. Bu „Liverpul“ning eng zo'r o'yini bo'ldi: birinchi bo'limda hujum chizig'i, ikkinchi bo'limda esa mudofaa o'zini ko'rsatdi.
Biz yana gol urishimiz mumkin edi. Bir qancha futbolchilarimiz shunchaki fenomenal o'yin ko'rsatdi. Biz qiyin davrni engib o'tishimiz zarurligini bilardik. Henderson, Veynaldum va Firmino ham bu o'yinda katta ish bajardi. Ey xudoyimey, men hujumda o'ynab gol o'tkazmasligimiz haqida o'ylamagandim! Firmino jismonan ajoyib formada», — deya Kloppning so'zlarini keltirgan BBC.
Bosh sahifaga
452