Mourino avvalroq o'zi tanqid qilgan Marsiyalni olqishladi
/ Kiritdi: BestMaster O'qilgan: 1106
«Manchester Yunayted» jamoasi bosh murabbiyi Joze Mourino APLning 25-turi doirasida «Uotford»ga qarshi kechgan va 2:0 hisobidagi g'alaba bilan yakunlangan o'yindan keyin bergan intervyusida o'yindagi gollardan birini urgan Antoni Marsiyalga yuqori baho berdi. Frantsiyalik hujumchi gol urishdan tashqari birinchi gol urilgan vaziyatda Huan Mataga uzatma bergandi.
«Marsiyal bugun maydonga tushish uchun haqli edi. Oxirgi ikki haftada u chin dildan ishladi va men uning avvalgidan ko'proq mehnat qilishini ko'rdim. U har qanday tanqidlarga jim qaradi va juda ko'p mehnat qildi — bu esa menga juda yoqdi», — degan Mourino BBC Sport efirida.
Bundan oldinroq, murabbiy Mxitaryan turganda Marsiyalni o'ynata olmasligi, Marsiyalning pozitsiyasida raqobatchilari ko'pligi va u boshqalardan ko'proq mashg'ulot o'tkazmayotganini aytib o'tgandi.
Bosh sahifaga
213
