O'zbekiston MTJ Armaniston klubiga yutqazdi
/ Kiritdi: BestMaster O'qilgan: 988
O'zbekiston terma jamoasi Turkiyaning Antaliya shahrida o'tkazilayotgan o'quv-mashg'ulot yig'ini doirasida Armaniston klubi bilan nazorat uchrashuvida maydonga tushdi.
11 fevral kuni Armaniston chempioni – «Alashkert» klubiga qarshi kechgan o'yinda Samvel Babayan qo'li ostidagi jamoa 0:2 hisobidagi mag'lubiyatni qabul qilib oldi.
Turkiya safariga mahalliy chempionatda ishtirok etuvchi futbolchilar bilan borgan O'zbekiston milliy terma jamoasi 83 va 88-daqiqalarda o'z darvozasidan gol o'tkazib yuborgan. O'yindagi gollar kimlar tomonidan urilgani va jamoalar qanday tarkiblarda maydonga tushgani haqida ma'lumotlar yo'q. O'FF saytida bu uchrashuv bo'lib o'tgani haqida xabar berilmagan.
Uchrashuv YouTube portalidagi V SPORT kanalida namoyish etilgan.
Mazkur yig'in FIFA kunlariga to'g'ri kelmaganligi uchun legioner futbolchilar terma jamoaning Turkiyadagi o'quv-mashg'ulotlariga taklif etilmagan.
O'zbekiston terma jamoasi Antaliyadagi yig'in doirasidagi dastlabki nazorat uchrashuvini Rossiya Premer-ligasi vakili bo'lmish «Amkar» klubiga qarshi o'tkazib, Igor Sergeevning yagona goli evaziga 1:0 hisobidagi g'alabaga erishgandi.
O'rtoqlik uchrashuvi
Turkiya, Antaliya
O'zbekiston MTJ – «Alashkert» (Armaniston) 0:2
Bosh sahifaga
1397