Eng vijdonli futbolchi: «Hayotda muhimi pul emas, men 50 million evro turmayman ham»
/ Kiritdi: BestMaster O'qilgan: 1552
«Fiorentina» hujumchisi Nikola Kalinich qishki transferlar vaqtida Xitoy jamoasi safiga o'tmaganiga izoh berdi. U hali Evropa futboliga ko'p narsa bera olishiga va'da qilgan. Shuningdek, ushbu xorvatiyalik futbolchi o'zining narxi 50 million evro ekaniga shubha bildirgan.
Xitoyning ikkinchi ligasidagi «Tyantszin Tsyuantszyan» jamoasi uning transferi uchun shuncha pul taklif qilgan, futbolchiga 10 mln evro miqdorida yillik maosh to'lamoqchi bo'lgandi.
«Ha, Kannavaro meni o'z klubiga chaqirdi, ammo bu mavzu endi yopilgan. Men ular menga qancha taklif etishganini aniq bilmayman ham, lekin bu hayotda eng muhimi pul emas. Men hozirda futbol o'ynashdan zavq olmoqdaman va jamoadan ketishni istamayman. O'ylaymanki, men hali Evropa futboliga ko'p narsa bera olaman. Yaqindagina «Fiorentina» prezidenti men to'g'ri tanlovni amalga oshirganim haqida aytdi. Bu klubda mening faoliyatim cho'qqisiga chiqdi.
Men transfer qiymatim 50 million evro ekaniga ishonmayman. Men hech kimga bunday talab qo'ymayman ham», deya uning so'zlarini keltirgan Corriere della Sera.
Italiya chempionatining joriy mavsumida ushbu 29 yoshli hujumchi 20 uchrashuv o'tkazdi va 10 gol urdi.
Bosh sahifaga
1969