Anri Kantening erlik ekaniga ishonqiramay, uni qo'li bilan ushlab ko'rdi
/ Kiritdi: BestMaster O'qilgan: 1163
«Arsenal» va Frantsiya terma jamoasi sobiq hujumchisi Terri Anri «Chelsi»dagi vatandoshi Ngolo Kante APL mavsum yakunlariga ko'ra eng yaxshi futbolchi bo'lishga munosib ekanini ta'kidlab o'tdi.
«O'tgan haftada «Chelsi» qarorgohida bo'lib ularning mashg'ulotlarini kuzatdim. Shunda kiyim almashtirish xonasida Kantening oldiga borib, uning ko'kragida barmog'im bilan teginib ko'rdim va dedim: «Sening haqiqiyligingga ishonch hosil qilish uchun bu ishni qilishim shart. Bildimki, sen rostan ham haqiqiy odam ekansan!»
U menga kulib javob qaytardi.
APL mavsum yakunlariga ko'ra, Kante eng yaxshi futbolchi bo'lishiga qarshilik qila oladigan sabablarni ko'rmayapman. Aslida barchasi ovoz berishga bog'liq bo'lsa ham. Bu nomga munosib nomzodlar ko'p: Sanches, Lukaku, Mane, Keyn, Alli, de Bryuyne yoki Ibrahimovich.
Odatda Kante tipidagi futbolchilar ommaning diqqat-e'tiborda bo'lishmaydi. Ammo u shu qadar o'ziga xos futbolchiki, uning mehnatini qayd etmaslikning imkoni yo'q. To'pni egallab olish va olib qo'yish, bu — san'at. Muxlislar odatda Azarning aqlbovar qilmas gollarini gapirishadi. Ammo jamoaning muvaffaqiyatlarida nafaqat bu, balki Kante yaratayotgan mo''jizalar ham alohida ahamiyat kasb etadi», — deya Anrining so'zlarini keltiradi The Sun.
Bosh sahifaga
287