Dunyoning eng ko'p maosh oladigan futbolchisi yilni golsiz o'tkazdi
/ Kiritdi: BestMaster O'qilgan: 1362
Xitoyning «Xebey Forchun» futbol klubining argentinalik hujumchisi, dunyoning eng ko'p maosh oladigan o'yinchisi hisoblanadigan Esekiel Lavessi so'nggi bir yilda birorta ham gol urgani yo'q.
Lavessi 2016 yil iyunida Amerika Kubogi-2016 yarim finalidan o'rin olgan Argentina-AQSh o'yinida qo'lini sindirib oldi va Xitoyga qaytib kelgach «Xebey Forchun»ning asosiy tarkibidagi o'rnini yo'qotdi. Bu vaqt mobaynida u jamoaning atigi 10 o'yinida maqdonga tushgan, ammo birorta ham gol ura olmagan.
Lavessi haftasiga 577 ming evro (620 ming dollar) maosh oladi. Bu esa, uni rasman dunyoning eng ko'p maosh oladigan o'yinchisiga aylantiradi. U «Xebey Forchun» bilan 2016 yil 12 fevralida shartnoma imzolagach, Frantsiyaning «Pari-Sen Jermen» jamoasidan Xitoyga ko'chib o'tgan edi.
31-yoshli futbolchi Italiyaning «Napoli» (156 o'yin, 38 gol) va PSJ (125 o'yin, 27 gol) safida to'p surgan. 2007 yildan Argentina termasining 51 o'yinida vatani sharafini himoya qilgan va 9 ta gol urishga muvaffaq bo'lgan.
Bosh sahifaga
317