Braziliyadagi muxlislar to'qnashuvida politsiya xodimi vafot etdi
/ Kiritdi: BestMaster O'qilgan: 928
Braziliyaning ikki jamoasi «Botafogo» va «Flamengo» jamoalari o'rtasidagi uchrashuv oldidan ikki jamoa muxlislari o'rtasida katta to'qnashuv sodir bo'ldi. Bu haqda UOL nashri xabar tarqatdi.
Manbaga ko'ra, uchrashuv Rio-de-Janeyroda Karioka ligasi doirasidagi o'yin bo'lgan. Ommaviy to'qnashuvlar natijasida vaziyatni bartaraf etishga jalb etilgan politsiya xodimlaridan biri vafot etgan. Sakkiz kishi turli darajadagi tan jarohati olgan.
Fanatlar o'rtasidagi janjal stadion yaqinida yuzaga kelgan. Vaziyatni bartaraf etish uchun kelgan politsiya xodimlari esa rezina o'qlar va ko'zdan yosh chiqaruvchi gazdan foydalanishiga to'g'ri kelgan.
Mojaro vaqtida qattiq jarohat olgan 28 yoshli politsiya xodimi Diego Silva dos Santos vafot etgan. Uni yaqin o'rtadagi shifoxonaga etqazishga ulgurishgan, biroq og'ir jarohatlar sabab, u shifoxonada jon bergan.
Sakkiz nafar jarohat olganlardan birining ahvoli og'ir ekani aytilmoqda. Mazkur to'qnashuvda jami bo'lib, taxminan 500 nafar muxlislar ishtirok etgani aytilmoqda.
Bosh sahifaga
175