Raneri «Lester»ning mavsumdagi maqsadi haqida aytdi. Qiyin maqsad

«Lester» bosh murabbiyi Klaudio Raneri APLning 25-turida «Suonsi»ga qarshi kechgan va 0:2 hisobidagi mag'lubiyat bilan yakunlangan uchrashuvdan keyin fikrlarini bildirib o'tdi.

«Ishonib bo'lmaydi. Biz yaxshi boshlagandik, o'z saviyamizdagi jamoaga qarshi o'yinda yaxshi natijaga erishmoqchi edik. Ammo ular avvaliga birinchi golni, keyin ikkinchi golni urishdi... Bunday vaziyatda o'yinga qaytish qiyin bo'ladi. Hozir fikri-xayolimiz - premer-liga. Kubok va Chempionlar Ligasi - boshqa.  Biz yaxshi o'ynashni va APLda qolishni istaymiz. Bu bizning bosh maqsadimiz», - deya italiyalik mutaxassisning so'zlarini keltirgan BBC Sport.

Raneri shogirdlari joriy yil hisobida APLda g'alaba qozonmadi. «Lester» joriy yilda «Chelsi» (0:3), «Sauthempton» (0:3), «Byornli» (0:1), «MYu» (0:3) va «Suonsi» (0:2) hisoblarini qayd etdi. Jamoa APLda 540 daqiqadan buyon gol ura olmayapti.

Ayni vaqtda Angliyaning amaldagi chempionlarni «xavfli hudud»dan 1 o'rin va 1 ochko ajratib turibdi. «Lester» «Suonsi»dan uchralgan mag'lubiyatdan keyin 16-o'rindan 17-o'ringa tushdi (21 ochko).

Teglar: raneri, «lester»ning, mavsumdagi, maqsadi, haqida, aytdi, qiyin, maqsad,
← OldingaOrqaga →