Gvardiola Agueroning «Manchester Siti»dan ketishi mumkinligini inkor qilmadi

«Manchester Siti» bosh murabbiyi Xosep Gvardiola oxirgi paytlarda asosiy tarkibdagi o'rnini yo'qotgan «shaharliklar» hujumchisi Serxio Agueroning jamoadagi kelajagi borasida gapirib o'tdi.

«Mavsum oxirida nima bo'lishini bilmayman. Top-hujumchi topish qanchalik murakkab ish eanini yaxshi tushunaman. Shu sababdan ham Serxio jamoada qolishini xohlayman. Ammo men qanchadir vaqtdan keyin o'zimning faoliyatimda nima bo'lishini bilmayman, boshqalar haqidaku, gapirmasam ham bo'laveradi.

Serxio mening va klubning pozitsiyasini yaxshi biladi. Men uni sotishni istamayman. Uni bu erda uzoq vaqtlar qolishini xohlayman.

Agueroning tarkibda tushmayotganiga sabab — Sane, Jezus va Sterling oxirgi haftalarda ajoyib formaga kirgani. Bor gap shu. Aguero yuqori darajadagi futbolchi bo'lib qolaveradi, bunga menda shubha yo'q», — deya Gvardiolaning so'zlarini keltiradi The Guardian.

Teglar: gvardiola, agueroning, «manchester, siti»dan, ketishi, mumkinligini, inkor, qilmadi,
← OldingaOrqaga →