«PSJ» murabbiyi «Barselona»ga qiyinchiliklar va'da qildi
/ Kiritdi: BestMaster O'qilgan: 988
«PSJ» jamoasi bosh murabbiyi Unai Emeri Chempionlar ligasining 1/8 finali doirasida «Barselona»ga qarshi kechadigan uchrashuv oldidan fikrlarini bildirib o'tdi.
Jamoalarning birinchi uchrashuvi 14 fevral kuni Parijda bo'lib o'tadi, o'yin Toshkent vaqti bilan 15 fevralga o'tar kechasi, soat 00.45da boshlanadi.
«Barcha yaxshi biladiki, «Barselona» ko'p narsalarga qodir. Biz ularning o'yini yaxshilab o'rganib, tahlil qilib chiqdik. Ishonamanki, ular ham o'yinga shunday tayyorgarlik ko'rishgan. Bizning murabbiylar shtabimiz taktik rejalar ustida ishlash uchun ko'p vaqt sarfladi.
Hozirda «PSJ»ning holati ajoyib. O'ylaymanki, bizda tarix yaratishga qodir bir qancha futbolchilar bor. «Barselona»ga qarshi o'yinda biz jamoaning nelarga qodirligini kuzatamiz.
Chempionlar ligasi – katta turnir, biz bu turnirda g'olib chiqishni istaymiz. Biz jahonning eng kuchli jamoalariga qarshi kurash olib borishni istaymiz. Men o'z futbolchilarim kuchiga ishonaman. Albatta bizga bu o'yinda qiyin bo'ladi, ammo «Barselona»ga ham oson kechmaydi bu o'yin», – deya ispaniyalik mutaxassisning so'zlarini keltirgan Goal.
Bosh sahifaga
152