«Barselona» bosh murabbiyi bo'lish uchun kim munosib ekani aytildi
/ Kiritdi: BestMaster O'qilgan: 1474
«Barselona» klubi sobiq futbolchisi, «Inter» sobiq bosh murabbiyi Frank de Bur «Everton» bosh murabbiyi Ronald Kuman «Barselona»ni boshqarishga munosib ekanini ta'kidlab o'tdi. Kuman futbolchilik faoliyati davomida kataloniyaliklar safida to'p surgandi.
«Odatda Kuman qandaydir yuqori darajadagi jamoaga borsa, uzoq muddat u erda qoladi. Chunki u kelajagi bor jamoa yaratishni yaxshi uddalaydi.
Menimcha uning «Everton» bilan shartnomasida qachondir «Barselona»dan taklif tushsa, u erga ketishi bo'yicha band bo'lishi kerak. Chunki bu uning doimiy orzusi edi. Bu haqida o'zi ko'p gapirgan va u «Barselona»da ishlashga munosib. Ammo Ronald «Everton»da uzoq yillar qolishini va muvaffaqiyatlarga erishishini istayman», — deya de Burning so'zlarini keltiradi Goal.com.
Bosh sahifaga
223
