Sergey Kovshov: “Yigitlarga rahmat aytaman”

- O'yin biz uchun ijobiy yaunlandi. Kerakli uch ochkoni qo'lga kiritdik. Yigitlar vaziyatni yaxshi tushunib turgandi. SHuning uchun ular oxirigacha kurashdi. Albatta ulardan buning uchun juda minnatdorman – deya gap boshladi Sergey Gennadevich.

- Bugun o'zgarishlar ham o'zini oqladi. Ayniqsa SHukur Jumaboev zaxiradan tushib, imkoniyatdan unumli foydalandi va gol urdi. Balki o'yin borasida kamchiliklar bo'lgandir. Lekin asosiysi biz kerakli natijani qo'lga kiritdik. Oldinda bizni yanada qiyin o'yin kutib turibdi. Farg'onada ham oson bo'lmasligi turgan gap. “Neftchi”da ikki yil ishladim va bu jamoani yaxshi bilaman. CHempionat tugashiga yana 5ta tur o'yini qoldi. Albatta qolgan bahslarda ham imkon qadar ko'proq ochko jamg'arib, oldimizga qo'yilgan vazifani bajarishga harakat qilamiz.

- Abdulloh Olimovning almashtirilishi nima blan bog'liq?
- Olimov iqtidorli futbolchi. Bilasizmi u yaqinda OTJ yig'inida bo'lib qaytdi. U erda jarohat orttirib olgandi. Bugun ham o'sha jaroxat bilan o'ynadi. SHu bois ikkinchi bo'lim o'rtalariga kelib esa uni almashtirishga qaror qildik – deydi Kovshov.

Islombek Rustambekov yozib oldi