Ronaldo "Barselona"da nega bor-yo'g'i bir mavsum o'ynaganini aytib berdi

Braziliyalik 1996-1997 yillarda Kataloniya klubi sharafini himoya qilgan.

"Bu ajoyib tajriba bo'lgan, ammo "Barselona"da qolish imkoniyati yo'q edi. Bunga o'zim sababchi emasman. Klub bilan deyarli shartnomani uzaytirgan edim. O'shanda Ispaniya chempionati yakunlanishiga bir oy qolgandi. Ammo bir hafta o'tib klub prezidenti va advokat "Barselona" bilan tuzilgan shartnoma absurd ekanligini aytdi. Ular 29 mln. dollar to'lashni istagan har qanday klubga meni sotmoqchi edi. "Barselona"da hozir ham shunday ishlar davom etmoqda" - deydi Ronaldo.