“Gerta”-“Bavariya”. Hakam 5 daqiqa qo'shib berdi, Levandovskiy 96-daqiqada gol urdi

Uchrashuv bosh hakami ikkinchi bo'limga besh daqiqa qo'shib bergach, “Gerta” ustozi o'sha daqiqalar ichida ikkita o'yinchini alishtirdi. Levandovskiy esa mavsumdagi 16-golini 96-daqiqada (95:59) kiritdi. O'sha vaziyatda xattoki myunxenliklar posboni Noyer ham raqib jarima maydonchasiga etib kelgan edi. SHu tariqa polshalik hujumchining goli 2004/2005 yilgi mavsumdan beri eng kech kiritilgan gol sifatida qayd etildi.

Gol kiritilishi bilan hakamning final hushtagi chalindi va har ikkala jamoa futbolchilari hamda murabbiylari o'rtasida maydonda dahanaki jang boshlanib ketdi. “Gerta” tomoni jamoalar hakam tomonidan qo'shib berilgan vaqt tugaganidan keyin ham o'yin davom ettirilganidan norozi bo'ldi.