Xavi: “Barselona”ga birinchi bahsda imkoniyat qoldirilmadi, ammo hammasi tugagani yo'q”

“PSJ” har tomonlama raqibdan ustunlik qildi. O'yin tempi, jismoniy jihat, taktika... “Barselona”da esa hech qanday imkoniyat bo'lmadi. Ular Trappni deyarli bezovta qilishmadi.

Parijliklar o'ta tajovuzkor edilar. Ular yuqori tezlikda o'ynashdi. Aynan shu tomondan ular raqiblaridan ustunlik qilishdi. CHunki saviya borasida ikkala jamoa bir xil edi.

“Barselona” faqat bir marta Neymar himoyachi bilan yakkama-yakka qolganda raqibga xavf tug'dirdi. Buskets va Inesta jarohatdan keyin yaxshi “forma”da emasdilar.

Kataloniyaliklar o'z darajalarida o'ynay olishmadi. O'ylaymanki, “Barselona” o'z uyida, qiyin bo'lsada, bu farqni yo'qqa chiqara oladi. Oldindan taslim bo'lmaslik lozim. Hali jamoa musobaqadan chiqib ketmadi”, deya Xavining so'zlaridan iqtibos keltirmoqda L’Equipe nashri.