Van Gal: "Runi nega gol urmayotganini o'zidan so'rang"

Hujumchi bu mavsumda APLning 7ta uchrashuvida bor-yo'g'i 1ta gol urdi.

"Ha, havotirdaman. "Everton" bilan o'yinda nimadur o'zgarishi mumkin. U so'nggi vaqtlarda nega gol urmayotganini bilmayman, bu haqda Runining o'zidan so'rang. Mening murabbiy sifatidagi vazifam - raqib o'yinini tahlil qilish va futbolchilarimga ularning himoyasidan qanday o'tish borasida maslahat berish.

Ueyn - bizning sardor, uning jamoaga tasiri boshqa futbolchilarnikidan yuqoriroq. U men uchun, jamoadoshlari, hammamiz uchun juda muhim. Runi ikkinchi hujumchi bo'lib o'ynaydi. Ko'ramiz nima bo'lar ekan, u boshqa poziciyalarda ham o'ynay oladi" - deydi van Gal.