Murzoev - sentyabr oyida "Dinamo"ning eng yaxshi futbolchisi
/ Kiritdi: BestMaster O'qilgan: 1466
So'nggi ikki hafta davomida Dinamo klubi rasmiy saytida o'tkazilgan so'rovnoma yakuniga ko'ra, muxlislar jamoaning sentyabr oyidagi eng yaxshi futbolchisini aniqlashdi.
Kutilganidek, ikkinchi davrada Dinamo safiga qo'shilib o'z gollari bilan muxlislarni xushnud etayotgan Kamoliddin Murzoev sentyabr oyining eng yaxshi futbolchisi deb topildi. 28 yoshli hujumchiga 74 ta ovoz, yani 54.4 % muxlis ovoz bergan.
Qayd etish joizki, Murzoev Dinamo uchun eng omadli transferlardan biri bo'ldi. Kamoliddin Oliy Liganing so'nggi ettita turida faqat Neftchi bilan o'yinda penaltidan foydalana olmagan bo'lsa, qolgan barcha o'yinlarni golsiz tark etmadi. Yani so'nggi 7 o'yinda – 6 ta gol! Bu har qanday hujumchi uchun ajoyib natijadir.
19-tur: Dinamo - SHo'rtan (3:3) – gol!
20-tur: Lokomotiv - Dinamo (2:1) – gol!
21-tur: Dinamo - Navbahor (2:1) – gol!
22-tur: Metallurg - Dinamo (4:2) – gol!
23-tur: Dinamo - Neftchi (0:1) – noaniq penalti.
24-tur: So'g'diyona - Dinamo (1:2) – gol!
25-tur: Dinamo - Bunyodkor (1:1) – gol!
Aynan ushbu sermahsullik Kamoliddin Murzoevning muxlislar tomonidan eng yaxshi futbolchi deya tan olinishiga sabab bo'ldi.
Avgust oyida eng yaxshi futbolchi deya tan olingan Ilhom Yunusov esa bu safar ikkinchi o'rinda qayd etildi. Samarqandlik tajribali yarimhimoyachiga 44 ovoz (34,4%) berilgan. So'rovnomda muxlislar, shuningdek jamoamizning ikki markaziy himoyachisi Ildar Mamatkazin (7,4%), Artyom Filiposyan (4,4%) va tobora muxlislar ishonchini oqlayotgan darvozabon Muhiddin Xudoyorov (1.5%)ga ovoz berishgan.
Bosh sahifaga
256