Muxtor Qurbonov: "Mag'lub bo'lgan finalim ko'proq yodimda qolgan"

"Navbahor" bilan finalda o'ynaganmiz. O'shanda "Navbahor" juda yaxshi jamoa edi. "Do'stlik" bilan ham finalda o'ynaganman. Ko'proq esda qolgani mag'lubiyatga uchragan bo'lsak ham "Neftchi" tarkibida 2002 yil finalda "Paxtakor"ga qo'shimcha bo'limlarda 3:6 hisobida imkoniyatni boy berganimiz. O'sha o'yin dramatik tarzda o'tgan edi. Garchi 3 marta kubokda g'alaba qozongan bo'lsam ham mana shu engilgan o'yinimiz ko'proq yodda qolgan. Sergey Lebedev uchrashuvda ikki marotaba avtogol urgandi. Hozirgacha ko'pchilikni yodida qolgan o'sha finalda 1:3 hisobida engilib turganimizda 86 daqiqada jarima zarbasidan gol urib hisobni qisqartirganman. Keyin bosh hakam asosiy vaqtga qo'shib bergan daqiqalarda Akmal Xolmatov to'p kiritib hisobni tenglashtirgandi. Bahs juda qiziqarli kechgan edi, afsuski qo'shimcha bo'limlarda kuchimiz etmay qolib 3:6 hisobida imkoniyatni boy bergan edik. Umumiy olganda har bir finalni o'z o'rni bor.

Bugun O'zbekiston kubogi finalida "Bunyodkor" hamda "Nasaf" jamoalari o'zaro bellashadilar. Bu o'yinda imkoniyatlar 50 ga 50 deb o'ylayman. "Nasaf" oxirgi paytlarda bir nechta yoshlarni qo'shgan holda bitta tarkibni o'ynatib kelmoqda, bu esa jamoa azolari bir-birini yaxshi tushunishlari uchun xizmat qilmoqda. "Bunyodkor"ni yosh futbolchilari o'tgan yilgi og'ir mavsumdan so'ng hozir ancha o'sishga erishdi. Bir so'z bilan aytganda bugun qiziqarli o'yin guvohiga aylanamiz", - deydi Muxtor Qurbonov.

Tolibjon Qosimov suhbatlashdi