UEFA CHempionlar ligasi 2014-2015. Kim qancha daromad oldi

Pley-offni hisobga olmasak umumiy mablag' deyarli 988 mln. evroni tashkil qildi.

32 jamoadan har biri guruh bosqichiga chiqqani uchun 8,6 mln. evrodan bonus olishdi. Har bir g'alaba uchun klubga 1 mln. evro, durang uchun esa 500 ming evro berilgan. Pley-off bosqichi ishtirokchilari har bir o'tish bosqichi uchun alohida bonus olishgan. Klublarga mablag' milliy associaciyalarning televizion bozoridagi ulushini hisobga olib va boshqa faktorlar bo'yicha bo'lib berildi.

Guruh o'yinlaridan so'ng, pley-off bosqichida 1/8 finalga chiqqan har bir ishtirokchi 3,5 mln. evrodan ishlab oldi. 1/4 finalga chiqish uchun klublarga 3,9 mln. evrodan, yarim finalchilarga esa 4,9 mln. evrodan pul ajratildi. "Barselona" Berlinda o'tgan finaldagi g'alabasi uchun 10,5 mln. evro oldi, "Yuventus" hisobiga esa 6,5 mln. evro o'tkazib berildi.

Guruh bosqichidan oldingi pley-offning 20 ishtirokchisiga 42 mln. evro bo'lib berildi. SHunday qilib, umumiy to'lov mablag'i 1,03 mlrd. evroni tashkil qildi. Bundan tashqari, UEFA bilan hamkorlik uchun Evropa klublari Associaciyasiga 3,5 mln. ajratildi. Demak, umumiy to'lovlar 1,033 mlrd. evroga etdi. Uch saralash bosqichidan o'ta olmagan klublarga belgilangan miqdorda pul berildi. CHempionlar ligasining pley-off bosqichiga etib bormagan o'z mamlakatlarining chempionlariga qo'shimcha bonus mablag' taqdim etildi.

Bundan tashqari, CHL-2014/15da ishtirok etmagan elit Evropa divizionlari klublariga daromadni bo'lish doirasida 85 mln. evro ajratildi. Bu pullar klublarga yoshlarga etibor berish niyatida berildi. Ushbu mablag'ni bo'lish bilan professional ligalar va mamlakat futbol federaciyalari shug'ullanadi.

Bu to'lovlarni ikki guruh - CHempionlar ligasi guruh bosqichida ishtirok etgan (18 federaciya 71,1 mln. evro oladi) va qolganlar (36 federaciya 11 mln. evro oladi) bo'lib beradi.

Nihoyat, 2,9 mln. evro turnirning pley-off bosqichida ishtirok etgan klublarning 19 federaciyasiga bo'lib beriladi.