Ulug'bek Baqoev: “Evropalik ikki legioner bilan muzokara olib borilmoqda”
/ Kiritdi: BestMaster O'qilgan: 1404
Buxoroning “Buxoro” klubida katta o'zgarishlar bo'lgandan so'ng, murabbiylik postini O'zbekiston terma jamoasi sobiq futbolchisi Ulug'bek Baqoev egalladi.
Mavsumga jamoani Baqoev jiddiy tarzda tayyorlamoqda. Bu haqida murabbiyning o'zi fikr bildirdi.
“Mavsumga mashg'ulotlar, o'rtoqlik uchrashuvlari orqali jiddiy tayyorgarlik olib boryapmiz. O'ylaymanki chempionat bahslariga o'z sport formamizni tiklab olamiz. Ertaga “Mashal” jamoasiga qarshi navbatdagi o'rtoqlik uchrashuvini o'tkazsak, 25 fevral kuni “Paxtakor” bilan nazorat uchrashuvini o'tkazamiz.
Mana shunday o'rtoqlik o'yinlari orqali futbolchilarni ko'rib olamiz. CHempionat bahslarigacha asosiy tarkibni aniqlab olamiz. Ungacha 2-3 ta chizig'imizga mos tushadigan futbolchilarni tarkibga qo'shib olamiz. Futbolchilar harakat qilmoqda, yugurishmoqda bundan meni ko'nglim to'q.
Hozircha ikki nafar xorijiy futbolchi bilan muzokaralar olib boryapmiz. Muzokaralar ijobiy yakunlansa tez kunda o'sha futbolchilar safimizga kelib qo'shilishadi va jamoa bilan shartnoma tuzishi mumkin. Ikkala futbolchi ham Evropadan”, - deydi “Buxoro” klubi bosh murabbiyi Ulug'bek Baqoev.
Jahongir Sotvoldiev
Bosh sahifaga
134
