"Neftchi": Legionerlar bilan shartnoma imzolandi

Ular qatorida 3 nafar xorijlik o'yinchilar ham bor. Ular belorussiyalik hujumchi Terentiy Lucevich, yarim himoyachi Dmitriy Komarovskiy hamda himoyachi Sergey Koncevoylar hisoblanishadi. Legionerlar “Neftchi” klubining Turkiyada bo'lib o'tgan tayyorgarlik jarayonida ishtirok etishdi va mazkur ijrochilar jamoa murabbiylar shtabiga maqul kelgani sababli bu yilgi mavsumni farg'onaliklar safida o'tkazishlari aniq bo'ldi.

Bugun Qirgulidagi “Neftchi” PFK qarorgohida jamoa rahbariyati va futbolchilar o'zaro shartnoma bo'yicha kelishuvga erishishdi. Bitimga ko'ra, belorussiyalik o'yinchilar yil so'nggiga qadar Farg'ona jamoasi sharafini himoya qilishadi. Legionerlarning mavsumdagi faoliyatlari samarali bo'lishiga qarab, navbatdagi mavsumda ham ular bilan shartnoma o'zaytirilishi mumkin.