Asror Aliqulov: “O'zim ishtirok etgan Kubok finallaridan ko'proq “loy jangi” yodimda qolgan”
/ Kiritdi: BestMaster O'qilgan: 1436
O'zbekiston Kubogining 5 karra sohibi Asror Aliqulov bilan ham bog'lanib, bugungi “Nasaf” – “Bunyodkor” bahsi haqidagi fikrlari va o'zi ishtirok etgan finallar to'g'risida suhbatlashdik.
- To'g'risi, hozir o'zim ishtirok etgan final o'yinlaridan har birini yilma-yil aytib berishim qiyin. Bu borada ko'proq “MXSK” stadionida “Quruvchi”ga (Hozirgi “Bunyodkor”) qarshi kechgan bahsni yaxshi eslayman. “Loy jangi” bo'lgandi. Ob-havo ham shu kuni biroz noqulay kelib, kutilgan o'yinni namoyish etishga har ikki jamoa ham qiynalgandi. Asosiy vaqtlarda kuchlar teng kelgach, lotoreyada omad “Paxtakor”ga kulib boqqandi. Juda yoqimli g'alaba bo'lgandi.
- Bugungi o'yinga keladigan bo'lsak, nazarimda “Nasaf” favorit. Ularda jamoaviy o'yin yaxshi shakllangan. Lekin final bitta o'yindan iborat ekanligini ham unutmaslik lozim. “Bunyodkor” ham qo'l qovushtirib turmasligi aniq. Ulardan ham munosib o'yin kutish mumkin. Muhimi ishqibozlar haqiqiy finalga xos o'yinga guvoh bo'lishini va kim kuchli bo'lsa o'sha g'olib chiqishni tilayman.
Islombek Rustambekov.
O'ZBEKISTON KUBOGI. BARCHA FINALLARNING RAMZIY TERMA JAMOASI
Bosh sahifaga
568