Gvardiola: "Verder" ketma-ket to'rtta o'yinda mag'lub bo'ldi, mana shu narsa juda xavfli"

Agar myunxenliklar "Verder"ni mag'lub etsa o'zlarining g'alabali seriyasini to'qqiztaga etkazadi va bu natijani hozirgacha hech kim qayd etmagan.

"Rekord qayd etsak yaxshi bo'lar edi, ammo men uchun qanday o'ynashimiz muhimroq. To'xtalish bo'lguniga qadar biz barcha uchrashuvlarda ko'plab xavfli vaziyatlar yaratdik va raqibga deyarli imkoniyat bermay kelyapmiz. Yaxshi harakat qilishimizning sababi jamoadagi yuqori raqobat, ammo hozir biroz havotirdaman, chunki 13 nafar futbolchi bilan doimo yuqori darajada o'ynab, barcha sovrinlar uchun kurashib bo'lmaydi.

"Verder" yaxshi pressing uyushtiradigan agressiv jamoa. Ularda juda tezkor futbolchilar bor va raqib standartlarda xavfli. Agar biz ularning qarshi hujumlarini nazorat qilmasak, muammolarga ega bo'lamiz. Asosiy xavf - ularning ketma-ket to'rt marotaba uchragan mag'lubiyati" - deydi Gvardiola.