"JFL-Tashkent" Beylning huquqini himoya qiladigan agentlik bilan hamkorlikni yo'lga qo'yadi
/ Kiritdi: BestMaster O'qilgan: 947
Jahonga mashhur "Stellar Football Ltd" agentligi Evropa andozasi asosida faoliyat yuritishni maqsad qilayotgan "JFL-Tashkent" jamoasi bilan hamkorlik qilishga kelishib oldi.
Mazkur kompaniya, jahonning etakchi agentliklari "Gestifute"dan (Jorje Mendesh. Mijozlari: Krishtianu Ronaldu, Xames Rodriges, Anxel Di Mariya va Diego Kosta) keyin ikkinchi o'rinda turadi.
Kompaniya Garet Beyl, Lyuk SHou va Jo Xart kabi jahon yulduzlariga xizmat qiladi.
Aynan shu tashkilot o'zbekistonlik yoshlarni ham Evropaga ketishida o'zining munosib ulushini qo'shishi mumkin.
"Stellar Football Ltd"ning Ispaniya va Portugaliyadagi rahbari Luis Alonso "JFL-Tashkent" bilan hamkorlikda iqtidorli o'zbekistonlik futbolchilarga Evropa eshiklarini ochishi reja qilinayapti.
"O'zim o'zbekistonlik bo'lganligim uchun, Vatanim o'g'lonlarini Evropada ko'rishni orzu qilaman. So'nggi yillar davomida Evropa futbolida katta tajriba to'pladim. "UEFA"ning "B" licenziyasiga ega bo'ldim. Endi o'zimiznikilarni Evropaga "uchurma" qiladigan payt keldi deb o'ylayman. Bu borada, "JFL-Tashkent"ning tutayotgan roli menga maqul keldi. Ular haqida kompaniyamiz direktori bilan suhbatlashganimda, hamkorlik qilsak ikki tomonga ham yaxshi bo'lishi mumkinligi haqida aytdilar", - deydi "Stellar Group" kompaniyasining Osiyo bo'yicha maslahatchi skauti Zokirjon Xoliqov.
Suratda Luis Alonso va Zokirjon Xoliqov
"Stellar Football Ltd" rahbari Jonatan Barnett
Bosh sahifaga
302