“Qariya” – Qoraqalpog'iston Respublikasi chempioni
/ Kiritdi: BestMaster O'qilgan: 868
Nukus shahrida havaskor jamoalar va sport klublari o'rtasida mini futbol bo'yicha XII Qoraqalpog'iston Respublikasi chempionati bo'lib o'tdi.
Qoraqalpog'iston mini futbol associaciyasi tasarrufida o'tkazilgan mazkur musobaqada 20 ta jamoa ikki bosqichda g'oliblik uchun o'zaro bahs yuritdi. Dastlabki bosqich o'yinlari to'rt guruhda davraviy tizimda olib borildi. Yakuniy natijalarga ko'ra, har bir guruhda birinchi va ikkinchi o'rinni egallagan jamoalar 1-8 o'rinlar uchun uchrashuvlarni davom ettirdi. Guruhda uchinchi o'rinni egallagan jamoalar 9-12, to'rtinchi o'rindan joy olganlari 13-16 va beshinchi o'rin sohiblari 17-20 o'rinlar uchun maydonga tushdi.
CHempionatning yarim finalida “Inkassator”(Nukus shahri) jamoasi NSK(Nukus sport kolleji) ni 3:0, “Qariya” faxriylar futbol klubi jamoasi RSHIF(Respublika futbol maktab-internati)ni 2:1 hisobida engib, finalga chiqdi. Natijada, 3-4 o'rinlar uchun RSHIFva NSK jamoalari kuch chinashdi. Unda RSHIF jamoasi 2:1 hisobida g'alaba qozondi.
“Qariya” va “Inkassator” jamoalari o'rtasidagi hal qiluvchi uchrashuvning asosiy vaqtida g'olib aniqlanmadi, 3:0. Penaltilar bo'yicha “Qariya”lar 2:1 hisobida zafar quchib, chempionlik nashidasini surishdi.
O'z navbatida Ulug'bek Yangiboev( “Eng yaxshi darvozaboni”, “Inkassator”), Marat Auezniyazov( “Eng yaxshi o'yinchi”, RSHIF) va Temur Qulametov(“Eng yaxshi to'purar, 14 ta to'p, “Qariya” FK)lar chempionatning eng yaxshilari deb topildi.
Ikrom XUDOYBERGANOV.
Bosh sahifaga
110