"CA" PFLning yubiley - 10 mavsumiga tayyorlanadi!

3 mart kuni PFL chempionatining o'ninchi mavsumiga start beriladi. 2017 yilda oliy liga o'yinlarini avvalgilardan farqli tarzda yoritishga va uni qiziqarli ko'rinish olishini taminlashga harakat qilamiz.

Turning eng yaxshi o'yinchilari qatorida "Kuchli beshlik"da bo'lgani kabi "Oyning eng yaxshi futbolchisi" va murabbiysini aniqlab boramiz. Bu so'rovnoma adolatli bo'lishi uchun xuddi "Do'ppi" sovrinida bo'lgani kabi oliy liga murabbiylari va sardorlari ovoz berish huquqiga ega bo'ladilar. SHuningdek, "Championat.asia", "Olamsport.com" va sayt o'quvchilarining umumiy ovozi bitta qilingan holda yakuniy so'rovda ishtirok etadi.

SHuningdek, har oyning eng faol muxlislar klubini ham aniqlab boramiz. Bunda ko'proq o'sha klub muxlislarining saytdagi xulqiga katta etibor qaratamiz.

Matbuot kotiblarining ish unumini oshirish maqsadida, "Yilning eng yaxshi matbuot kotibi"ga JCH-2018 yo'llanmasini taqdim etish asosiy rejamiz.

"Facebook"dagi ijtimoiy tarmog'imizda oliy ligada o'z o'rniga ega bo'lgan mutaxassis va futbolchilar o'rtasida to'g'ridan-to'g'ri efir uyushtiramiz.

Kelinglar, birgalikda yangi mavsumni yuqori kayfiyatda qarshi olamiz. Yomonni, yomon deyaversa hech qachon yaxshi bo'lmaydi. Yaxshilik haqida o'ylagan holda yangi mavsumga tayyorgarlik ko'ramiz.

PFL chempionlari
1. 2008 - "Bunyodkor"
2. 2009 - "Bunyodkor"
3. 2010 - "Bunyodkor"
4. 2011 - "Bunyodkor"
5. 2012 - "Paxtakor"
6. 2013 - "Bunyodkor"
7. 2014 - "Paxtakor"
8. 2015 - "Paxtakor"
9. 2016 - "Lokomotiv"
10. 2017 - ...