Jasur Abduraimov: "Urg'uni 1997 yilda tug'ilganlarga qaratamiz"
/ Kiritdi: BestMaster O'qilgan: 790
O'zbekiston U-23 terma jamoasi bosh murabbiyi Jasur Abduraimov "Qizilqum" bilan o'yindan so'ng o'z fikrlarini bildirdi.
"22 fevral kuni yig'inni boshladik. O'sha kuniyoq Qozog'iston klubi bilan o'rtoqlik uchrashuvida maydonga tushdik. Kecha mashg'ulot o'tkazdik va bugun "Qizilqum" bilan o'ynadik.
Bir qator yangi futbolchilarni sinovdan o'tkazib oldik. Qisqa vaqt yig'in o'tkazgan bo'lsak ham ancha foydali bo'ldi deya olaman. Asosiy maqsadimiz bu jamoani 70 foiz 1997 yilda tug'ilgan futbolchilardan tuzish. Qolgan 30 foizini 1995 va 1996 yilda tavallud topgan futbolchilar tashkil etadi. Sababi 1997 yilda tug'ilgan yigitlar 2020 yilgi Olimpiada o'yinlari saralashida ishtirok etishadi.
Keyingi yig'inni mart oyida xorijda o'tkazsak kerak. Hozircha rejamizda Qatarga borish bor. Biroq Osiyo chempionati saralash bosqichiga qura tashlash marosimi 17 mart kuni bo'lib o'tadi. Agar qurada Qatarga tushib qolsak bu Qatarga bormasligimiz mumkin. SHu bois hozir aniq javob bera olmayman. Barchasi qura tashlash marosimidan so'ng aniqlanadi", - deydi Jasur Abduraimov.
Malumot uchun, 2018 yilgi Osiyo chempionati saralash bosqichi shu yilning 15–23 iyul kunlari bo'lib o'tadi. Musobaqaning final bosqichi esa 2018 yilning 9–27 yanvar kunlari Xitoyda o'tkaziladi.
Narzulla Saydullaev yozib oldi
Bosh sahifaga
2027