"Dinamo" Qozog'iston klubini mag'lub etdi
/ Kiritdi: BestMaster O'qilgan: 998
Yangi mavsum oldidan Toshkentdagi yig'in doirasidagi so'nggi o'rtoqlik uchrashuvini Qozog'istonning Kaspiy klubiga qarshi o'tkazgan Dinamo jamoasi Samarqandga g'alaba bilan qaytdi.
O'tgan mavsumda Qozog'iston Premer-Ligasiga chiqish uchun kurashgan Aktau shahrining Kaspiy klubi Qozog'iston Birinchi Ligasining etakchi klublaridan biri sanaladi. Toshkentdagi yig'in doirasida ushbu jamoalar o'zaro o'yinda maydonga tushishdi va qiziqarli kechgan bahsda "Dinamo" 1:0 hisobida g'alabaga erishdi.
Uchrashuvning 22-daqiqasida Dinamo safida ko'rikdan o'tayotgan 21 yoshli moldovalik himoyachi Radu Rogak tomonidan kiritilgan gol yakunda jamoaga Qozog'iston klubi ustidan g'alaba keltirdi, 1:0.
SHu kuni jamoa safida ko'rikda bo'lgan yangi futbolchilar Farrux SHotursunov va Damir Nizanovlar maydonga tushishdi.
Bir hafta davomida Toshkentda mavsum oldi ikkinchi yig'inni o'tkazgan Dinamo jamoasi ushbu bahsdan so'ng Samarqandga qaytdi.
Nazorat uchrashuvi. Toshkent
24 fevral (juma)
DINAMO - KASPIY (Qozog'iston) – 1:0
Gol: Radu Rogak, 22.
Dinamo: Mixail Naumov, Mirkomil Lokaev, Bunyod Isroilov, Radu Rogak, Ilhom Komilov, Komil SHarofutdinov, Omadjon Tayloqov, Iskandar Xolmirzaev, Damir Nizanov, Sardor Sulaymonov, Abdumalik Abdullaev.
Ikkinchi bo'limda maydonga tushganlar: Rustam Toshturdiev, Hakimxon Alamxonov, Amirjon Safarov, Asomiddin Mamatov, Temur Fayzullaev, Farrux SHotursunov.
Oliy Liganing 1-turi doirasida 3 mart kuni Bekobodda Metallurg mehmoni bo'ladigan Dinamochilar o'yinga tayyorgarlikni Samarqanddagi qarorgohda olib borishadi.
Bosh sahifaga
543