Denis Ivankov: "Ushbu g'alabani dadamning xotirasiga bag'ishlayman"

"Bugun juda xursandman. Ajoyib g'alaba, tarixiy natijani qo'lga kiritdik. Bugun dadam hayot bo'lganlarida (Aleksandr Ivankov Dmitrievich) 66 yoshni qarshi olgan bo'lardilar. Ushbu g'alabani O'zbekistonda xizmat ko'rsatgan murabbiy, dadamning xotirasiga bag'ishlayman. Jamoamiz bugun chiroyli yo'nadi va haqli g'alabaga erishdi. Natija haqqoniy bo'ldi. Bu g'alabada shoigrdlarim, Eldorbek Suyunov, O'tkir Yusupov va Alibek Turopov kabi darvozabonlarimizni ham hissasi bor deb o'ylayman. Bir kishi hamma uchun, barcha bir kishi uchun kurashadi bizning jamoada. "Nasaf" bu katta oila degani. Bu erda barcha inoq. G'alabadan juda xursandmiz. Ro'ziqul Berdiev boshchiligidagi murabbiylar shtabi, SHuhrat Toshpo'latov, Ilnur Sibagatullin kabi mutaxassislarning mehnati samarasi yuzaga chiqdi. Jamoamiz shifokorlari Barat aka, Hamza, Andrey, mamurlar Alisher Turdiqulov, Anvar Tukaev va boshqa barcha xodimlarning g'alabada o'z hissasi bor deb o'ylayman. Nihoyat uzoq kutilgan natijani qayd etdik. SHogirdim Eldorbek Suyunov uchun ham alohida xursandman. Eldorbek Suyunov O'zbekistonning ayni paytdagi birinchi raqamli darvozaboni. Eldor va barcha boshqa shogirdlarim bilan faxrlaman", - deydi Denis Ivankov.