Kosmin Olario: "Raqibning o'yiniga ham etibor qilishimiz kerak"

"Juda qiyin o'yin bo'lishi kutilmoqda. "Lokomotiv" ilk turda mag'lub bo'ldi, lekin ularni kuchli ekanligini bilamiz. Bu jamoa o'z uyida boshqacha o'ynaydi va ertaga qiyin bahs bo'lishini kutayapmiz. 

Uydagi o'yin va safardagi bahs doim farqli bo'ladi. Biz g'alaba uchun maydonga tushamiz", - deydi Makete Diop.

- "Al Ahli" bunga qadar O'zbekiston klublaridan "Nasaf" bilan o'ynagan. Bu ertangi bahsda sizlarga yordam beradimi?  

- Albatta, tajriba doim yordam beradi. O'sha bahslarni yaxshi eslayman. "Nasaf" klubiga qarshi o'yinlar og'ir o'tgan. 

- Ertaga g'alaba uchun harakat qilishingiz aniq. Qanday uslubda o'ynamoqchisiz? Qarshi hujumdami yoki keskin hujumdami? 

- Biz yutishni istaymiz. Ammo raqibning o'yiniga ham etibor qilishimiz kerak. Biz ko'p narsani xohlashimiz mumkin, ammo doim ham xohlaganimiz bo'lmaydi. 

- 2015 yil "Al Ahli" finalga chiqqan. Bu yil finalga chiqish imkoniyatlarini qanday baholaysiz? 

- To'g'risini aytsam 2 yil oldin finalga chiqish vazifasi qo'yilmagan. Avvalo guruhdan chiqib olish maqsadimiz.Keyin esa qadamma-qadam harakat qilaveramiz. 

- "Lokomotiv"ni o'rganib chiqqan bo'lsangiz raqib safidagi eng xavfli futbolchi kim? 

Makete Diop: - Raqibni o'rganib chiqqanmiz. Ammo hech bir futbolchini alohida ko'rsatib o'ta olmayman. Nima bo'lganida ham biz g'alaba uchun maydonga tushamiz. 

- "Lokomotiv" stadioni maydoniga etirozlar yo'qmi? 

- Men hali maydonni ko'rganim yo'q. Uni ko'rganimdan so'ng fikrimni aytishim mumkin. Ammo buning katta ahamiyati yo'q. Ikkala jamoa shu maydonda o'ynaydi. O'yinda tezroq maydonga moslashishga urinamiz.