Andrey Mikyalev: "Ertaga uch nafar futbolchi maydonga tushmaydi"

"O'yinga qiziqish ancha yuqori. Albatta barcha masuliyatni tushunib turibmiz. Ilk turda yutqazib qo'ydik, futbol shunday narsa xato qildik va mag'lub bo'ldik.

"Al Ahli" oxirgi o'yinlarda deyarli mag'lub bo'lmaydi, bu jamoa u qadar ko'p gol urmaydi, o'tkazmaydi ham. Ochkolar olishga urinib ko'ramiz, - deydi Andrey Miklyaev.

"Murabbiy to'g'ri aytib o'tdi. Ertaga Osiyoning eng yaxshi klublaridan biriga qarshi o'ynaymiz. Yo'qotadigan ochkoni yo'qotib bo'ldik. Ertangi bahsda 3 ochko olishimizga ishonaman", - deydi Masharipov. 

- Tarkibda hujumchilar bor. Ammo ilk turda hujumda yarim himoyachi Jaloliddin Masharipov o'ynadi. Buni qanday izohlaysiz? 

- Hujumda muammolarimiz bor. U qadar ko'p hujumchilarimiz yo'q. SHu bois Masharipovni hujumda sinovdan o'tkazib ko'rdik. Ertaga nominal hujumchi maydonga tushadi. 

- Aliboevning holati qanday? 

- Afsuski uning jarohati bor. Ertaga Ikrom Aliboev, Diyorjon Turopov va Murod Bobojonov jarohatlari bois maydonga tusha olishmaydi. 

- Hujumchilar kam dedingiz. Mavsumni qanday o'tkazasizlar? 

- SHunday o'tkazamiz. Krizo, Bikmaev va Masharipov bor. Futbolda hozir universallik kerak. Bitta joyda emas ko'p joyda o'ynay olishi kerak. 

- "Lokomotiv"ga ham "Paxtakor"dagidek kirishib ketdingizmi? 

Jaloliddin Masharipov: - Albatta salgina hayajon bor. Lekin ko'plab yigitlar bilan tanishman. 

- Ignatiy Nesterovning holati qanday? Jamoa tomonidan qo'llab quvvatlash sezilmoqdami? 

- Ignatiy albatta o'sha o'yindan keyin biroz tushkunlikka tushib qoldi. Ammo u bilan gaplashib oldik. Nesterov bizning asosiy darvozabonimiz. 

- "Lokomotiv" rahbariyati bu yilgi maqsad OCHL yarim finaliga chiqish ekanligini aytdi. Futbolchilar bunga qanchalik ishonishmoqda? 

Jaloliddin Masharipov: - SHaxsan men ishonaman. Futbolchilar mehnat qilishsa bunga erishsa bo'ladi. Bizda mavsum endi boshlandi. Bir-ikkita o'yindan so'ng yigitlar bir-biri bilan tushunib ketishadi. 

Narzulla Saydullaev