"Neftchi": Sergey Smorodinga omad tilaymiz!
/ Kiritdi: BestMaster O'qilgan: 961
So'nggi yillardagi faoliyatini Farg'onaning “Neftchi” klubida o'tkazgan Sergey Smorodin o'z faoliyatini Ukrainaning “CHernomorec Odessa” jamoasida davom ettiradi.
O'z vaqtida O'zbekiston o'smirlar terma jamoasida ham to'p surgan istedodli darvozabon farg'onaliklar tarkibida bir qator ishonchli mavsumlarni o'tkazdi. “Neftchi” PFK o'z safida faoliyat olib borayotgan va o'z tarbiyalanuvchilarining xar birini yuqori darajadagi top jamoalar tarkibida o'ynash tarafdori hamda bu g'oyani qo'llab-quvvatlaydi. Sergey Smorodinga Ukraina klubidan xar taraflama foydali va qulay bo'lgan taklif kelib tushdi. “Neftchi” PFK darvozabonga ushbu jamoaning bir qator yig'inlarida ishtirok etish imkoniyatini yaratib berdi hamda Smorodin “CHernomorec Odessa” ko'rigidan muvaffaqiyatli tarzda o'tdi. Endilikda o'zbekistonlik vakilimiz Ukraina futbolida o'z omadini sinab ko'radi.
Sergey Smorodinni Evropadagi faoliyati orqali darvozabon sifatida yanada o'sishi uchun “Neftchi” PFK murabbiylar shtabi uni “CHernomorec Odessa”ga o'tishiga rozilik bildirishdi. Umid qilamizki, Sergey ukrainaliklar safida o'z professional darajasini yanada o'stiradi va O'zbekiston MTJga munosib ijrochi bo'lib etishadi.
“Neftchi” PFK esa sobiq jamoamiz vakilining navbatdagi faoliyatida omad va zafarlar tilaydi!
Bosh sahifaga
212
