Zoran Mamich: “Bunyodkor”ni hurmat qilamiz”

“Bunyodkor” juda shakllangan jamoa deb bilaman. Raqib Jidda shahrida 90 daqiqa qiyin o'yin o'tkazishdi. Ertaga juda og'ir o'yin kutayapman. O'tgan o'yindagiga nisbatan yaxshiroq o'ynashga harakat qilamiz. Birinchi turdagidan farqli ravishda Nurmatov, Hamdamov, SHomurodov kabi futbolchilarga qarshi yaxshi o'ynashga urinamiz”, - deydi Zoran Mamich. 

“Biz o'yinga tayyormiz. Ertangi bahs biz uchun juda muhim. Bizda kuchli futbolchilar bor. Sifatli o'yin ko'rsatishga harakat qilamiz”, - deydi Danilo Asprilya. 

-  Ertaga jamoa safarda harakat qiladi. SHundan kelib chiqsak jamoaingiz hujumkor o'ynaydimi yoki himoyadanmi? 

-  “Al Ayn” himoyalanadigan jamoa emas. Bizning falsafamiz hujumkor o'yin ko'rsatish. Biz raqibni hurmat qilamiz. “Bunyodkor” ham o'ziga yarasha hurmatga ega. Biz Toshkentga chiroyli o'yin ko'rsatib ochko olish uchun keldik. 

-  Ertangi bahsda kimni favorit deb hisoblaysiz. O'tgan yilgi OCHL finalchisi “Al Ayn”mi yoki o'z maydonida o'ynaydigan “Bunyodkor”mi?

-  Agar Jiddada “Bunyodkor”ning golini hisoblashganida g'alaba qozonishi mumkin edi. Biz ham “Istiqlol” bilan bahsda ko'p vaziyatlardan foydalana olmadik. Ertangi o'yin biz uchun juda qiyin o'tadi. 

-  “Bunyodkor”ning kuchli va kuchsiz tomonlarini o'rgandingizmi?

-  Bu haqda o'yindan keyin gaplashamiz. Biz raqibni yaxshi o'rganib chiqdik. 

-  “Al Ayn” so'nggi o'yinlarda ijobiy natija qayd eta olmayapti. Bunga sabab nima? Jamoadagi muhit qanday?

-  OCHL finalidagi mag'lubiyatdan so'ng jamoada charchoq sezilmoqda. Tarkibimizda jarohat olgan futbolchilar juda ko'p. Ichki chempionatda ham, OCHLda ham bir xil o'ynashga urinamiz.

-  Aynan qaysi futbolchilar jarohat olgan?

-  Himoyadagi ikki nafar futbolchimiz jarohat olgan. Bundan tashqari yarim himoyada o'ynadigan terma jamoa azosi ham maydonga tusha olmaydi.

-  Bizda mavsum boshlanmoqda. “Bunyodkor”ning kuchsiz tomonlaridan foydalanib qolishga urinasizmi?

-  Albatta harakat qilamiz.

-  Bundan oldingi murabbiy Zlatko Dalichning ishini davom ettirayapsizmi yoki yangi falsafa kiritayapsizmi? 

-  Dalich bilan juda yaxshi munosabatdaman. Lekin o'zimning qarashlarim bor. SHu bois jamoaga yangi falsafa olib keldim. 

Narzulla Saydullaev