Kosmin Olario: "Lokomotiv" bilan o'yinni 0:1 hisobi bilan boshladik"

"Uchrashuvni 0:1 hisobi bilan boshladik desak ham bo'ladi. CHunki tezkor gol o'tkazib yubordik. SHu bois barcha rejalarimiz o'zgarib ketdi. Biz o'zimizga kelishga harakat qildik. Xatodan so'ng ikkinchi golni ham o'tkazib yubordik. SHundan so'ng biz o'z o'yinimizni ko'rsata olmadik. Bu bahs bizga dars bo'ldi. Bugungi g'alaba bilan "Lokomotiv"ni tabriklayman. Endi etiborni "Al Taavon" bilan bahsga qaratamiz", - deydi Kosmin Olario.

- 10 va 99-raqamdagi futbolchilarni qurolsizlantirgach jamoaning o'yini chiqmadi. Bunga qanday qaraysiz?
- Garchi raqib o'yinchilari bu ikki futbolchini yopib qo'yishgan bo'lsa ham biz vaziyat yaratdik. Bundan muammo bo'lmadi.

- Ahmad Halil Toshkentga keldi lekin maydonga tushmadi. Bunga sabab nima?
- Uni maydonga tushirishga urindik. Ammo jarohati bunga imkon bermadi.

- Ismoil Hammadi ham maydonga tushmadi...
- Ismoil esa oxirgi o'yinlarda yaxshi o'ynay olmayapti. Qachon o'ziga kelsa shunday maydonga tushadi.

- "Istiqlol" va "Lokomotiv"ning farqini ayta olasizmi?
- Ikkala jamoa ham yaxshi jamoa. Ularning farqi "Al Ahli" bo'ldi. "Istiqlol"ni mag'lub etdik, "Lokomotiv"ga esa yutqazdik.

Narzulla Saydullaev