"Nasaf": Oliy liganing 1-turiga tayyorgarliklar boshlandi

Qisqa tatildan so'ng 26 fevral kuni klub qarorgohida yig'ilgan jamoa, oliy liganing 1-tur uchrashuviga tayyorgarliklarni boshlab yubordi.

Jasur Abduraimov boshchiligdagi Olimpiya terma jamoasi yig'iniga chaqirilgan futbolchilar Azizjon G'aniev, Odiljon Hamrobekov, Doniyor Narzullaev va Bobir Abduxoliqovlar ham safga qo'shilishgan. “Ajdarlar” endi to'liq tarkibda mashg'ulotlarga kirishdi.

Jamoa 1-tur tayyorgarliklari yuzasidan kuniga ikki martadan klub qarorgohida mashg'ulotlar olib boradi.

Eslatib o'tamiz, “Nasaf” XXVI O'zbekiston chempionatining 1-tur uchrashuvini safarda “Qo'qon-1912” jamoasiga qarshi o'tkazadi. Uchrashuv  4 mart shanba kuni bo'lib o'tadi.