Viktor Kumikov: “Olmaliq” oldiga OCHL yo'llanmasini qo'lga kiritish vazifasi qo'ylgan”

Jamoa bosh murabbiyi, rossiyalik Viktor Kumikov tadbirda berilgan savollarga javob qaytardi.

“Yangi mavsum oldidan uchta yig'in o'tkazdik. Birinchisi dekabr oyida Toshkentda bo'lib o'tdi. Keyin Turkiyaning Antaliya shahrida ikkita yig'in olib bordik. Oldimizga qo'ygan barcha rejalarni amalga oshirdik. Bir qator nazorat o'yinlarini o'tkazdik. Tarkibimiz 80 foizga yangilanib ketdi. SHu bois hozircha futbolchilar bir birlarini 100 foizga tushunishga erishmagan, kichik muammolar mavjud. Ikki oy ichida yangi jamoa shakllantirib bo'lmaydi. O'yinlar orqali futbolchilar o'zaro til topishib ketaverishadi. Mavsum davomida o'z o'yinimizni yaxshilab boraveramiz”, - deydi Viktor Kumikov. 

- Jamoa yangi deyapsiz. Rahbariyat “Olmaliq” oldiga qanday vazifalar qo'yilmoqda?
- Rahbariyat bizni taklif qilishdan oldin jamoani quyi o'rinlarda yurishini ko'zlamagani turgan gap. Jamoa tarkibi yangilanganiga qaramay bizning oldimizga OCHL yo'llanmalaridan birini qo'lga kiritish vazifasi qo'yilmoqda. Mavsum uzoq davom etadi shu bois chempionatni qaysi pog'onada tugatishimizni kuzda bilib olamiz.

- Qaysi chiziqni kuchaytira olmadingiz?
- Tarkibdagi futbolchilar o'zlarini ko'rsatishda davom etishsa va rivojlanishda davom etishsa yaxshi. Agar bunday bo'lmasa ular bilan xayrlashib yangi futbolchilarni olib kelishga majbur bo'lamiz. Hozircha bir nafar osiyolik futbolchini ro'yxatdan o'tkaza olmadik. Ammo bu masala yaqin orada hal bo'ladi deb o'ylayman. 2 yoki 3-turda u maydonga tushishi mumkin.

- Jamoaga kelgan legionerlarning har biriga tarif bera olasizmi?
- Belaruslik Vladislav Kasminin. Markaziy himoyada o'ynaydi. U bo'ydor, havodagi kurashlarni yutadi, bundan tashqari maydonni yaxshi ko'ra oladi. Igor Yelich esa tayanch yarim himoyada o'ynaydi. Barchaga malumki markaziy himoya va tayanch yarim himoyachilar tanqis. Gruziyalik SHota Grigalashvili hujumchi ortida, qanotda va tayanch yarim himoyachi rolini bajara oladi. Bizga shunday universal futbolchi kerak edi. Muammoli joylarni legionerlar orqali to'ldirishga harakat qildik.
 

Narzulla Saydullaev