Podolski yozda Yaponiya klubiga o'tadi

Futbolchi bu haqda "Instagram"da malum qildi va "Vissel Kobe"ga o'tishi aniq bo'ldi.

"Mavsum yakunlanganidan so'ng Jey-liganing "Vissel Kobe" klubiga o'taman. Bu "Galatasaroy"ga qarshi qabul qilingan qaror emas, bu shunchaki men uchun yangi chaqiruv. Vaqti kelganda aniqroq malumot beraman. Hozir bor etiborim "Galatasaroy"ga qaratilgan" - deb yozadi Podolski.

Turk matbuoti tarqatgan malumotlarga ko'ra, "Galatasaroy" Podolskini 2,6 mln. evro evaziga sotish ustida ishlayapti. Nemis futbolchisining Turkiya klubi bilan shartnomasi 2018 yilning yozida yakuniga etadi.

Lukash Podolski joriy mavsumda "Galatasaroy" safida 21 ta uchrashuvda maydonga tushib, 14 ta gol urdi va 6 ta golli pas berdi.