Final fotomaqolasi - I. O'YIN

PFLning bu ikki vakili mana 10 yildirki, Kubokni shu tarzda stadionga olib chiqishadi. SHundan keyin uchrashuv bosh qahramonlari maydonga chiqib keladilar.

Boboev va Berdiev o'yindan oldin bir - birlariga omad tilayaptilar. Boboevning omadi kuchli bo'lib chiqdi va "Nasaf" o'z tarixidagi ilk kubokni qo'lga kiritdi. 

SHerzod Azamov xuddi avtogol urishini bilgandek, suratga qaramay tushyapti. Uyalma shovvoz, jamoangni ikkinchi golini sen urding...

Afsuski bu tarkibni o'ynata biladigan murabbiy topilmayapti. Aslida MTJning kelajagi sifatida qaralayotgan bu yoshlardan ko'p narsani kutsa bo'ladi.

Satoning bu yil jamoasiga foydasi ko'p bo'ldi. Lekin 5ta himoyachi bilan tushgan "Bunyodkor" uchun u tayanch yarim himoyachisi vazifasini gavda jihatidan ham bajara olmasdi. Aftidan kechagi o'yindagi taktika "qaldirg'ochlar"ga pand berdi.

Drrrrrr-drrr... "Nasaf" shifokori Barat Elmurodov sovuqdan titirayotgan vaziyat... 

Xayrulla Karimov finalda qizil kartochka olish qanchalik alamli bo'lishini yaxshi biladi. Endi bu ikki futbolchi 26-turda "Paxtakor"ga qarshi kechadigan muhim o'yinda maydonga tusha olmaydilar. Katta ehtimol bilan mana shu o'yin poytaxtliklarni OCHLda ishtirok etish etmasligini hal qiladi. Hali "Nasaf" bilan ham tur uchrashuvi bor.

Murod Zuxurov 2012 yil toshkentliklarning g'alabasi bilan tugagan, "Nasaf" va "Bunyodkor" jamoalari o'rtasida kechgan finalda ham o'z darvozasidan gollar o'tkazib yuborib kubokdan quruq qolgan edi. Bu safar posbon yuqoridagi jamoalar o'rtasida kechgan o'yinda, ikkinchi jamoa safida mag'lubiyatga uchradi.

Artur Gevorkyanning urgan gollari orasidagi eng muhimi...

"Nasaf" murabbiylar shtabini quvonchi, "Bunyodkor" murabbiylar shtabiga aksincha tasir o'tkazayotgan vaziyat...

Bu esa final hushtagi yangraganidan keyingi ilk "kadr"...

P,S: OAV uchun suratlardan foydalanish man etiladi!

Nodirxo'ja Yuldashev