Oliy liga. Bugun "Bunyodkor" - "So'g'diyona" va boshqa o'yinlar bo'ladi
/ Kiritdi: BestMaster O'qilgan: 846
Bugun oliy liganing 1-turidan o'rin olgan yana beshta o'yin bo'lib o'tadi.
Kuning ilk uchrashuvi Qo'qonda boshlanadi. No'mon Hasanov boshchiligidagi "Qo'qon-1912" jamoasi Ro'ziqul Berdiev boshchiligidagi "Nasaf"ni qabul qiladi. Mezbonlar tarkibni ancha kuchaytirib olishgan, "ajdarlar" tarkibi esa bir necha yillardan buyon bir maromda yaxshi o'ynab kelmoqda. Demak, qiziqarli bahs guvohi bo'lishimiz aniq.
Farg'onaning "Neftchi" klubi mavsumni G'uzorda "SHo'rtan"ga qarshi uchrashuv bilan boshlaydi. Ikkala jamoa ham yangi mavsumda o'z oldiga katta maqsadlar qo'ymoqda. Vodiydagi yana bir bahs Namaganda o'tadi. O'z tarkibini bir qator tajribali futbolchilar bilan to'ldirib olgan Ilhom Mo'minjonov boshchiligidagi "Navbahor" Toshkentning "Obod" klubini qabul qiladi.
O'tgan yil mavsumni kuchli to'rtlikda yakunlangan "Buxoro" 13-o'rinni olgan "Olmaliq" bilan bellashadi. Qizig'i ikkala jamoada ham yangi murabbiylar shtabi ish boshlagan va tarkib ham anchagina o'zgarib ketgan.
Nihoyat dastlabki turni Toshkentdagi "Bunyodkor" - "So'g'diyona" uchrashuvi yakunlab beradi. OCHLda ishi yurishmayotgan "qaldirg'ochlar" muxlislar oldidagi aybini oliy ligada yuvishga harakat qilishi aniq. Davron Fayziev boshchiligidagi "So'g'diyona" esa har yili etakchilarini yo'qotsa ham yangi futbolchilar bilan bir tekisda o'yin ko'rsatishi bilan nom qozona olgan.
Uchrashuvlarni saytimiz orqali kuzatib boring.
Oliy liga. 1-tur
4 marta (shanba)
15:30 - Qo'qon-1912 - Nasaf
16:00 - SHo'rtan - Neftchi
16:00 - Navbahor - Obod
16:30 - Buxoro – Olmaliq
18:00 - Bunyodkor - So'g'diyona
Bosh sahifaga
95