Bugun plyaj futboli bo'yicha Osiyo chempionatiga start beriladi

Avval xabar berilganidek, O'zbekiston terma jamoasi turnirning amaldagi chempioni – Ummon termasi hamda Livan va Tailand terma jamoalari bilan birgalikda “B” guruhidan joy olgan. “A” guruhida Eron, Bahrayn, Xitoy, Malayziya va Afg'oniston o'zaro bahs olib borsa, “C” guruhida Yaponiya, BAA, Iroq va Qatar termalari bir-biri bilan kuch sinashadi.

Plyaj futboli bo'yicha O'zbekiston terma jamoasi Osiyo chempionatidagi ishtirokini 6 mart, dushanba kuni Livanga qarshi o'yin bilan boshlaydi. Quyida mamlakat termasining Osiyo chempionatidagi o'yinlari jadvali keltirilgan.

6 mart, dushanba
Livan – O'zbekiston

7 mart, seshanba
O'zbekiston – Ummon

8 mart, chorshanba
O'zbekiston – Tailand

Qita birinchiligi 11 martga qadar davom etadi. Musobaqa reglamentiga ko'ra, har bir guruh g'olibi hamda guruhda ikkinchi o'rinni egallagan eng yaxshi bitta jamoa yarim finalga chiqadi.

Musobaqa yakunida 1–3 o'rinlarni egallagan terma jamoalar plyaj futboli bo'yicha Bagam orollarida shu yilning 27 aprel – 7 may kunlari o'tkaziladigan Jahon chempionatiga yo'l oladi.

Malumot uchun, plyaj futboli bo'yicha O'zbekiston terma jamoasi ayni vaqtda 57-o'rinni egallab turibdi. Osiyo mamlakatlari o'rtasida mamlakat termasi 10-pog'onada bormoqda.