Elyor Orifov: "Alamli mag'lubiyatga uchradik"

Unda "qaldirg'ochlar"ning qo'li baland keldi va birgina Doston Hamdamovning goli evaziga g'alabaga erishdi. Ushbu o'yindan so'ng "So'g'diyona" himoyachisi Elyor Orifov o'yin borasida o'z fikrlarini bildirdi.

 - Hammani yangi chempionat boshlangani bilan tabriklayman. O'yin borasida juda yaxshi o'yin bo'ldi. Asosan himoyaviy o'yin ko'rsatdik. Raqib jamoa faqatgina to'p nazorati bo'yicha bizdan ustun bo'ldi. Boshqa hech jabhada bizdan ustunlik qilgani yo'q.

Jamoamiz bu yil ham yangidan shakllanayapti. O'yinimizga hamda bir birimizni o'rganish uchun vaqt kerak. Jamoadoshlarimga rahmat aytaman. Hammalari qo'llaridan kelgancha maydonda o'ynadi. Bizni oldinda bundan ham qiyin o'yinlar kutib turibdi. Bu yilgi mavsum o'yinlar jadvali ko'rgan bo'lsalaringiz kerak. Mavsum endi boshlandi. Hali hammasi oldinda. Keyingi o'yinlarda yaxshi natija ko'rsatib muxlislarimizni albatta xursand qilamiz - deydi Orifov. 

Dildora Xolboeva  "So'g'diyona" matbuoti xizmati