JCH–2018 saralashidagi raqib - Qatar terma jamoasi Ozarbayjon bilan o'ynaydi
/ Kiritdi: BestMaster O'qilgan: 967
O'zbekiston milliy terma jamoasining JCH–2018 turniriga saralash bosqichidagi raqibi – Qatar termasi 9 mart, payshanba kuni Ozarbayjonga qarshi o'rtoqlik o'yini o'tkazadi.
Mazkur uchrashuv Doha shahridagi Jassin Bin Hamad Stadium maydonida bo'lib o'tadi.
Bo'lajak o'rtoqlik uchrashuvi Qatar terma jamoasi uchun jahon chempionati saralash bosqichi ikkinchi davrasiga tayyorgarlik vazifasini o'taydi. Jamoa bosh murabbiyi Xorxe Fossati o'quv-mashg'ulotlar yig'iniga 29 futbolchini taklif qilgan.
Qatar terma jamoasi JCH–2018 saralash bosqichi ikkinchi davrasini 23 mart kuni o'z maydonida Eronga qarshi o'yin bilan boshlaydi. 28 mart kuni esa Xorxe Fossati shogirdlari Toshkentda O'zbekiston terma jamoasi bilan o'zaro bahs olib boradi.
Malumot uchun, JCH–2018 saralash bosqichi “A” guruhi 5-turidan keyin O'zbekiston terma jamoasi 9 ochko bilan uchinchi o'rinda bormoqda. Qatar termasi 5 ochko bilan 5-pog'onani band qilib turibdi.
Bosh sahifaga
204