Saytimiz 1-turning eng yaxshi murabbiyi va futbolchisini aniqladi
/ Kiritdi: BestMaster O'qilgan: 1039
O'tgan hafta oliy liganing birinchi turidan o'rin olgan bahslar bo'lib o'tdi.
Championat.asia sayti 2017 yilgi mavsumda har bir turning eng yaxshi futbolchisi va murabbiyini aniqlashni boshlaydi.
Demak, dastlabki turning eng yaxshi murabbiyi - "Dinamo" ustozi Ilhom SHaripov. O'tgan yil jamoani birinchi ligadan oliy ligaga olib chiqqan murabbiy boshchiligidagi Samarqand klubi 1-turni Bekobodda mehmon bo'ldi. Ko'pchilik mazkur bahsda "Metallurg"ning g'alabasini taxmin qilayotgandi. Biroq SHaripov boshchiligidagi "Dinamo" mardonavor o'ynab g'alabaga erishdi.
Birinchi turning eng yaxshi futbolchisi deb "Paxtakor" azosi Jamshid Iskanderov tan olindi. Iskanderov "Qizilqum" bilan uchrashuvda jamoasining mavsumdagi ilk goli muallifliga aylandi. Ikkinchi taymda esa belgilangan penaltini bir amallab golga aylantira oldi. 2017 yilgi oliy ligada dastlabki dublga erishgan Jamshidni turning eng yaxshi futbolchisi deb elon qilishga qaror qildik.
Oliy ligada ikkinchi tur ham eshik qoqmoqda. 8-10 mart kunlari navbatdagi bahslar bo'lib o'tadi.
Bosh sahifaga
210
