“Rubin” bir kishi kam bo'lib qolgan “Anji”ni mag'lub etdi

Unda Qozonning “Rubin” klubi Kaspiyskda “Anji” mehmoni bo'ldi. “Anji-Arena”da bo'lib o'tgan o'yinda qozonliklar 1:0 hisobida zafar quchishdi. Maydon egalari birinchi bo'lim o'rtalarida penaltidan unumli foydalana olishmadi.

Futboldagi o'sha oltin aqida yana o'z so'zini aytdi. Maksim Kanunnikov 81-daqiqada juda chiroyli uslubda mezbonlar darvozasini ishg'ol qildi. 77-daqiqada eronlik Said Ezzatollaxi ikkinchi sariq kartochka evaziga maydondan chetlatilgnandi.

Bugungi g'alabadan so'ng “Rubin” jamoasi 26 ochko bilan 9-o'rinni egallab turibdi. “Lokomotiv” hisobida ham shuncha ochko bor. “Anji” 20 ochko bilan 11-pog'onadan joy olgan.