CHempionlar ligasi. “Bavariya” “Arsenal”ni Londonda tor-mor keltirdi

Uchrashuvning 20-daqiqasida Teo Uolkot bellashuvda hisobni ochib, londonlik muxlislarni xursand etdi. Ammo inglizlarning quvonchi bor yo'g'i bir taymga etdi. Ikkinchi bo'limda nemis mashinasini to'xtatishning mutlaqo ilojisi qolmadi. Hammasi “Arsenal” himoyachisi Loran Koselnining maydondan chetlatilishi ortidan boshlandi. Levandovski penaltidan muvozanatni tklagan bo'lsa, Robben va Duglas Kosta o'z hisoblariga gol yozishga erishishdi. O'yinning so'nggi 10 daqiqasida londonlik himoyachilarning qo'pol xatolaridan keyin Arturo Vidal ikki bor Ospina qo'riqlayotgan darvozani aniq nishonga olib, hisobni butkul yirik ko'rinishga keltirdi – 1:5.

Nimchorak finalning har ikkala bahsini bir xil 5:1 hisoblarida g'alaba bilan yakunlagan myunxenliklar qiyinchiliksiz chorak final masalasini hal etishdi.

“Arsenal” Angliya – “Bavariya” Germaniya 1:5 (1:0, 0:5)

Gollar: 1:0 – 20 Uolkott, 1:1 – 55, penalti Levandovski, 1:2 – 68 Robben, 1:3 – 78 Duglas Kosta, 1:4 – 80 Vidal, 1:5 – 85 Vidal.

“Arsenal”: Ospina, Mustafi, Monreal, Belerin, Koselni, Oksleyd-CHemberlen, Jaka, Uolkott, Remzi (Koklen, 72), Sanches (Peres, 73), Jiru (Ozil, 72).

“Bavariya”: Noyer, Xummels, Alaba, Rafinya, Martines, Xabi Alonso, Vidal, Alkantara (Kimmix, 79), Robben (Duglas Kosta, 71), Riberi (Sanshesh, 79), Levandovski.

Ogohlantirish: Uolkott (39), Alaba (39), Martines (44), Koselni (53), Oksleyd-CHemberlen (61), Jaka (79).

CHetlatish:Koselni (54).