"Barselona" - PSJ uchrashuvi haqida o'zbek jurnalistlari nima dedi?

Ushbu tarixiy uchrashuv haqida o'zbekistonlik jurnalistlar qanday fikrda? Jurnalistlarimizning bu bahs borasida ijtimoiy tarmoqlarda yozib qoldirgan fikrlarini etiboringizga havola qilamiz.

Alisher Nikimbaev (o'zbek futboli mutaxassisi):

Parijlik qizlar uchrashuvda qanday mag'lub bo'lishdi?

SHunday: So'nggi 10 daqiqa ichida 4 ta aniq uzatma.

PSJ - bu shunday holatki, klub buyukligini pulga sotib ololmaysan. Xatto juda katta pullar evaziga ham.

Aziz Nuriy ("Qizilqum" matbuot-kotibi):

O'yin tugashi bilan SHerzod Azamov ("Nasaf", himoyachi) tel qildi. O'yindan oldin gaplashganimda "Barsa"ning o'tishiga ishonayotganini aytgandi...))

Yoqubjon Bobojonov ("UZREPORT TV" sharhlovchisi):

Tomog'im bo'g'ilib qoldi... Endi ertaga ishga chiqa olmasam kerak. Lekin tarixiy o'yinni sharhlash nasib qilganidan xursandman)

Darvoqe, oxirga golda jarima zarbasini ter SHtegen ishlaganini sezdingizmi? Bu g'alabada ter SHtegenning xissasi katta.

Murod Rizaev ("Sport" telekanali sharhlovichisi):

Tarixiy g'alaba... Ter SHtegen 4 daqiqa darvozani bo'sh qoldirdi... Muxlislar o'kirib yig'lashyapti... Enrike 6 ta uramiz degan gapida turdi... O'zgartirishlar o'zini oqladi... Bugun hech kim uxlamaydi... "Sport" telekanaliga choyxona mendan

Qani O'rgimchak odamlar, Betmen, Supermen, Tarzanlar...

Ular bilan ham o'ynaydi "Barsa".

Diyor Imomxo'jaev ("Daryo" jurnalisti):

Bu shunday o'yinki, unda hakam penalti, penalti qilib o'tirilmaydi. "Barsa"ga hurmat yuzasidan shlyapa echib qo'yiladi. Tabrikleyshns, "Barsa"chilar!

Behzod Nazarov ("Paxtakor" matbuot-kotibi):

"Barsa" yaqin 70 yil ichida ECHLni hech kimga bermaydi. Bu mavsum qolgan o'yinlarni 8-12 to'p farqi bilan yutadi.

Dildora Xolbaeva ("So'g'diyona" matbuot-kotibasi):

Uraa! 8 mart uchun haqiqiy sovg'a!

SHahboz Beg'amov ("O'zbekiston futboli" gazetasi jurnalisti):

Eyforiya buyog'i. Kamida bir hafta. Lekin hakam yordami yaqqol sezildi. ECHLni hozirdanoq "Barselona"ga sovg'a qilayotganlar, shoshilmanglar, to'xtang!

SHerzod Rajabov (PFL xodimi):

Tarix bu! Bunaqasi bo'magan/ PSJga oltita ura oldi... Ketma-ket 37 ta uchrashuvda mag'lub bo'lmagan PSJga...