JCH saralashidagi raqib – Eron terma jamoasi Iroq bilan o'ynaydi
/ Kiritdi: BestMaster O'qilgan: 782
O'zbekiston milliy terma jamoasining JCH–2018 turniriga saralash bosqichidagi raqibi – Eron terma jamoasi 18 mart, shanba kuni Iroq termasiga qarshi o'rtoqlik o'yinida maydonga tushadi.
Mazkur uchrashuv Tehron shahridagi “Ozodi” stadionida bo'lib o'tadi Eron terma jamoasi uchun jahon chempionati saralash bosqichi ikkinchi davrasiga tayyorgarlik vazifasini o'taydi. Eron terma jamoasi JCH–2018 saralash bosqichi ikkinchi davrasini 23 mart kuni safarda Qatarga qarshi o'yin bilan boshlaydi.
Avvalroq Qatar terma jamoasi 9 mart, payshanba kuni Ozarbayjon termasiga qarshi o'rtoqlik o'yini o'tkazishi haqida xabar berilgandi.
Malumot uchun, JCH–2018 saralash bosqichi “A” guruhi 5-turidan keyin 11 ochko to'plagan Eron terma jamoasi peshqadamlik qilmoqda. Janubiy Koreya 10 ochko bilan ikkinchi, O'zbekiston 9 ochko bilan uchinchi pog'onada bormoqda. 4–6 o'rinlarni mos ravishda Suriya (5 ochko), Qatar (4 ochko) va Xitoy (1 ochko) terma jamoalari egallagan.
Bosh sahifaga
136